雲南賞花之旅~~14/5--26/5(13天)

鄧姑

原帖由 銀河驛馬 於 2011-7-4 10:31 發表
精彩！油雞、鹵味請繼續上。

你回來喇，好玩嗎？

鄧姑

從理塘往稻城時, 我們翻過一座高4,500米的"海子山".根據研究, 海子山原來是隨喜瑪拉雅山造山運動隆起的地塊, 是青藏高原甚至世界規模最大、最典型的古冰帽遺迹, 因此被稱為 "稻城古冰帽".   

山上鋪滿大大小小的礫石與湖泊, 大小海子共有1145個之多, 故名 "海子山".



位於海子山自然保護區北部, 有座  "兔兒山”, 在一片裸岩當中, 一對恰似兔子耳朵, 長在草木不生存的山峰上, 小李司機很好每到一個景點便慢駛或泊在一邊...方便我們拍照...

鄧姑

離開日瓦鄉便正式進入亞丁自然保護區. 車子一直往山上爬, 沿路所見, 山上的樹葉很翠綠...漫山遍野都是杜鵑花, 但這裡的杜鵑與我們在香港時所見不同...顏色較淡...多是淺粉紅..另一種美態...  中午飯後我們便到達亞丁...開始向珍珠海進發....

鄧姑

在4千多呎的高原行走...都幾費力, 原本只有2小時的山路, 我們5步一小停....10步一大停的在喘氣, 個半鐘才行到沖古寺...從沖古寺到珍珠海後段全是上斜石階路, 個個行到死死下...到達珍珠海時已接近黃昏5點了....

嘩..真真要命呀!

[

鄧姑

差不多喇...到喇...快到喇, 下山的人群不斷為我們打氣, 但我們卻沒有氣回應...心只是想..到了嗎???行到腳震震..口震震....

鄧姑

珍珠海在藏語中稱為「卓瑪拉措」, 是仙乃日的融雪形成的海子. 面積不大約0.1平方公里. 據說這裡是拍仙乃日倒影的理想地點, 可能當日到達時已是黃昏....天氣欠佳, 看到的景色只是一般, 所以有點失望.                        

鄧姑

在等待時發現少了一位團友..劉文唔知去左邊...原來佢上山時..行行..等等..自己行左去沖古寺那邊...盪失路呀..哈哈..

不過, 我地都好有義氣的, 等佢跑回來齊齊影張大合照, 唔係..點同老婆交差呀..呀!!攞阿ken張相黎威下先...行得到上山..你睇我地11個幾好笑容..

鄧姑

摸黑下山後我們到處找住宿...亞丁只是一個旅遊有待開發的地方, 找了很多處都是不太理想, 終於...我們11個決定大被同眠, 住在一間很簡陋的鐵皮屋內, 這裡沒有衛生間...男女共睡在一間大房內.....如此選擇為的是這裡最近亞丁景區入口, 明天我們還要到牛奶海....五色海.., 另一原因是這裡夠人氣, 左鄰右里全是在旅途中曾見過的人...不像其他住宿地方冷清清..靜英英, 夜晚被人殺左都冇人知呀!!!

鄧姑

原本諗著會是11曲和弦大合奏....冇喎, 連單鍵獨奏都是隱約聽到, 鬼咩...個個驚到唔敢睡...又怕...哈哈...我成晚只是諗..今日都行得咁辛苦喇, 聽日點去牛奶海...五色海呀! 但唔去又唔憤氣....終於被我諗通左...臨天光先睡一睡..

翌晨食完早餐..出發啦...今日天氣更好...一大早已陽光普照.....

鄧姑

被我諗通左...係我決定騎馬上山..儘量縮短行山的路..咁咪無咁辛苦囉....哈哈...快d行去騎馬喇....

鄧姑

哼...有冇攪錯..$40蚊只是騎到路口...要自己行上去乘電瓶車...嘩..行左廿分鐘..又高又斜..喘晒氣....

鄧姑

先先..後後...其餘7位的朋友放棄上牛奶海...只是我們4個拼命都要去呀! 乘電瓶車都幾好玩...好快就到絨牛牧場了......

鄧姑

洛絨牛場高海拔4150米, 被三座神山－仙乃日、央邁勇和夏納多吉所環繞, 是附近村民放牧的高山牧場.  網上的資料, 有說因保護亞丁景區, 洛絨牛場至牛奶海這段路不容許馬匹行走.但今次所見, 牛場仍有驛站, 只是馬匹數量受到控制. 據說每天只許30匹馬往來牛奶海. 來回3個鐘..要$300/馬..   

鄧姑

就這樣..我們4個就騎著車...浩浩蕩蕩..上高落低...翻越無數泥濘路..向著高祟的央邁勇神山出發...

由於部份路段是危坡碎石路...下望是懸崖峭壁...所以規定要下馬步行一段....

鄧姑

原本騎在馬上是不準影相的...但美景當時..豈能放過..一手按馬鞍一手偷影....好開心呀! 這次騎馬的感覺是悠閒暢快的, 但越近牛奶海...心跳便不停加速...高反又來了...牛奶海已到了