雲南賞花之旅~~14/5--26/5(13天)

鄧姑 · 發表於 2011-7-4 21:54:38

在等待時發現少了一位團友..劉文唔知去左邊...原來佢上山時..行行..等等..自己行左去沖古寺那邊...盪失路呀..哈哈..

不過, 我地都好有義氣的, 等佢跑回來齊齊影張大合照, 唔係..點同老婆交差呀..呀!!攞阿ken張相黎威下先...行得到上山..你睇我地11個幾好笑容..

鄧姑 · 發表於 2011-7-4 21:46:09

珍珠海在藏語中稱為「卓瑪拉措」, 是仙乃日的融雪形成的海子. 面積不大約0.1平方公里. 據說這裡是拍仙乃日倒影的理想地點, 可能當日到達時已是黃昏....天氣欠佳, 看到的景色只是一般, 所以有點失望.

鄧姑 · 發表於 2011-7-4 21:42:05

差不多喇...到喇...快到喇, 下山的人群不斷為我們打氣, 但我們卻沒有氣回應...心只是想..到了嗎???行到腳震震..口震震....

鄧姑 · 發表於 2011-7-4 21:36:05

在4千多呎的高原行走...都幾費力, 原本只有2小時的山路, 我們5步一小停....10步一大停的在喘氣, 個半鐘才行到沖古寺...從沖古寺到珍珠海後段全是上斜石階路, 個個行到死死下...到達珍珠海時已接近黃昏5點了....

嘩..真真要命呀!

[

鄧姑 · 發表於 2011-7-4 21:24:56

離開日瓦鄉便正式進入亞丁自然保護區. 車子一直往山上爬, 沿路所見, 山上的樹葉很翠綠...漫山遍野都是杜鵑花, 但這裡的杜鵑與我們在香港時所見不同...顏色較淡...多是淺粉紅..另一種美態... 中午飯後我們便到達亞丁...開始向珍珠海進發....

鄧姑 · 發表於 2011-7-4 21:11:14

從理塘往稻城時, 我們翻過一座高4,500米的"海子山".根據研究, 海子山原來是隨喜瑪拉雅山造山運動隆起的地塊, 是青藏高原甚至世界規模最大、最典型的古冰帽遺迹, 因此被稱為 "稻城古冰帽".

山上鋪滿大大小小的礫石與湖泊, 大小海子共有1145個之多, 故名 "海子山".

位於海子山自然保護區北部, 有座 "兔兒山”, 在一片裸岩當中, 一對恰似兔子耳朵, 長在草木不生存的山峰上, 小李司機很好每到一個景點便慢駛或泊在一邊...方便我們拍照...

鄧姑 · 發表於 2011-7-4 19:03:27

原帖由 銀河驛馬 於 2011-7-4 10:31 發表
精彩！油雞、鹵味請繼續上。

你回來喇，好玩嗎？

全賴有你 · 發表於 2011-7-4 11:39:25

只驛馬係咪甩左繩呀? 失蹤咁耐既?

銀河驛馬 · 發表於 2011-7-4 10:31:58

精彩！油雞、鹵味請繼續上。

鄧姑 · 發表於 2011-7-4 01:02:03

睡魔急call...油雞都係留番明天再食啦......

鄧姑 · 發表於 2011-7-4 00:53:51

仙乃日神山（意為觀世音菩薩，海拔6032M）..... 藍天白雲...神山遙遙在望....亞丁在午飯後也到了...

鄧姑 · 發表於 2011-7-4 00:47:46

途中還參觀了一間冇人免票的寺廟, 相對西藏的寺廟, 這裡規模就細得多了......

鄧姑 · 發表於 2011-7-4 00:38:32

Day 5 ~~~ 5月18日---稻城---日瓦--亞丁

今早起來..又有團友沒有下來吃早餐...經探望後, 那4位團友也覺得很辛苦不想再趕往亞丁, 因那裡海拔更高...影響身體會更不舒服, 反正我們從亞丁回來也是住在稻城這酒店, 所以便決定留下一架車及4位團友在稻城休息,

繼續行程便只是我們11人往亞丁了....車隊盤山而上..沿途景致也是美不勝收

[ 本帖最後由鄧姑於 2011-7-4 00:59 編輯 ]

鄧姑 · 發表於 2011-7-4 00:18:24

晚上到達稻城...晚飯時有幾位團友不吃飯要休息, 已心知不妙...可能今日真的辛苦了...四位團友都有不同的不舒服, 但好似通通與高反沒有關係喎.....> 暫時啦..

我們便是住在這裡, 算是整個行程中五星級啦..有水..有電..大家都好滿足....我已3天冇沖涼喇...這晚洗得好痛快, 話之你高反啦!

鄧姑 · 發表於 2011-7-4 00:06:22

耳仔不停 " wun...wun.." 聲, 頭赤...我知高反又來了, 好在早有準備, 在出發那天已安排司機替我們買了好多盒"高原安", 真的很有效, 早午晚一次, 每次2粒...痛則消..OK喎!!

下山後..又趕呀..趕..但沿途卻美景依然, 所以也不覺太累....

		自動登錄	找回密碼
密碼			註冊