枝竹羊腩煲 ~~~鄧姑秘方

鄧姑

枝竹羊腩煲

材料 :
新鮮羊 腩 1-2斤
炸枝竹隨意 (可自已炸, 炸好後切段浸軟)
馬蹄10粒左右
冬菇約10 隻
薑3舊拍扁
蔥頭切碎
蒜5粒
南乳1塊
芝麻醬1湯匙
柱侯醬1湯匙

調味份量

老抽1湯匙
冰糖1小塊
生抽 1 匙
胡 椒 粉 少 許

做法

1.羊 腩 斬件用白鑊爆炒至乾身, 立即倒下凍水至蓋過羊腩, 等再滾起, 倒去污水, 洗淨羊腩, 此過程極為重要, 如唔想羊腩太"蘇", 可重覆此過程2次, 咁d羊腩就唔太"蘇".
2.薑拍扁 , 馬蹄削皮拍扁 , 蔥頭剁蓉 ,冬菇浸軟 , 蒜肉剁蓉 .
3.燒熱二湯匙油爆香蒜蓉, 薑片,南乳,柱侯醬,芝麻醬, 加入羊腩 炒透 , 贊酒 , 加 馬 蹄, 枝竹,調 料及適 量水分, 轉放入煲仔中, 用中火燜煮約十五分鐘, 熄火(記著唔好開蓋)焗佢十分鐘, 再開中火又滾十五分鐘, 又熄火焗佢十分鐘, 用炆焗的手法, 如是者重覆此動作三至四次左右, 記著一直都唔好開蓋睇, 咁d羊腩就會好腍好滑, 唔會"鞋".
4. 最好在最後一次炆焗後熄火焗一晚, 隔一日食再滾起, 就會好入味.如唔知"腍唔腍"可在最後一次時, 用木筷子"督"下d羊腩, 如勉強能"督"入, 就OK喇..
5. 食時用灼好的生菜置底, 或用打邊爐的方式滾住食, 都唔錯架.
6. 食時用腐乳醬, 檸檬葉碎伴吃, 好滋味架....

此做法係我在一個好巧合的地方跟一個老師傅學的, 睇黎好似好複雜, 但我煮左咁多次都永冇失手, 食過的朋友都話好好味, 你都試下啦.....