同社咖啡室

標題: 上水華山行（５月３日） [打印本頁]

作者: 鄧姑 時間: 2009-4-6 17:09
標題: 上水華山行（５月３日）
華山，位於上水以北之一個小山丘，其山體不高，但與附近幾峰連綿相接，有「小萬里長城」之稱。上登華山，並不一定要論劍，亦可考古，因華山山上標高柱旁，豎有一古祈雨碑，距今已有百多年歷史，飽受風雨仍屹立不倒。

另外，此行會探遊河上鄉之居石侯公祠，此祠為紀念侯族明十七世祖侯居石公而建，比祈雨碑歷史更悠久。除考古探舊外，此線亦會上走北面臨邊之大石磨小峰，可一覽深圳羅湖區繁盛一面。

日期: 2009年5月3日 (星期日)
集合時間: 上午九時三十分
集合地點: 上水火車站票務處
回程: 約下午四時
路程: 10KM
步行時間: ~5.5 hr
難度: 2粒 ★★
領隊: 添生

是日行程: 集合後乘51專線小巴往河上鄉, 未上走大石磨前，我們先到附近的鴻淘豆品廠 ( 26736234 )來個 $6 任吃的豆腐花及其他小食。除豆腐花外，粽、茶果、糯米滋及水晶糕也不能錯過, 飽吃一頓後，我們沿車路向北前走先到居石侯公祠一遊, 遊罷居石侯公祠,沿車路北走,於羅湖軍營足球場旁接山徑上走, 至大石磨之標高柱.於此,已可全覽深圳羅湖區一帶之高樓大廈; 跨過文錦渡路，上走華山山系之路口正正在虎地坳道對面, 沿路上走有「小萬里長城」之稱的華山連綿山系, 下坪輋路乘車回粉嶺.

溫馨提示:

~~ 除初段少量崎嶇泥徑外,全程均順走柏油路面.
~~ 除古蹟外,此行可飽覽數個軍事設施,亦有邊陲無敵景觀.
~~ 部份路程無樹蔭,請帶備足夠防曬物品.

其他: 帽, 防曬用品, 風褸, 毛巾, 後備乾糧, 水果, 零食, 電筒, 行山杖, 地圖, 指南針, 急救藥品, 手提電話, 同埋要講低俾屋企人知... ...

免責聲明: 所有參與同社發起的活動都屬自願性質. 同社對於因籌辦或參加有關活動而可能直接或間接引致之任何損失、損壞或傷害(包括死亡),並不負任何法律承擔或責任(包括疏忽責任).

source : http://www.hike-x.com/

[ 本帖最後由鄧姑於 2009-4-22 14:32 編輯 ]

作者: 鄧姑 時間: 2009-4-17 22:57

星期日天氣應該唔錯．．大家齊齊出黎曬下太陽啦．．．

作者: 鄧姑 時間: 2009-4-18 20:25
今晚落左好大．．好大雨．．明天又如何呢？？

如明天７:３０分仍然有雨或雷曝．．此行山活動都要取消．．

有任何問題．．明早大家再電話聯絡．．

作者: 鄧姑 時間: 2009-4-22 14:30

上次因落雨又去唔到．．．一改再改，今次一定要去到．．

５月３日要成行呀！！

今次的領隊係添生(李振添), 大家一定要棒場呀!!

[ 本帖最後由鄧姑於 2009-4-22 14:31 編輯 ]

作者: ckk 時間: 2009-5-1 22:39
預我3個丫~5該!

作者: 鄧姑 時間: 2009-5-2 00:00

原帖由 ckk 於 2009-5-1 22:39 發表
預我3個丫~5該!

好呀．．又見到恆仔喇．．

到時見．．

作者: 鄧姑 時間: 2009-5-2 00:04
今次行山加插餘慶節目．．在行完山後將路經冬冬有機農場．．去摘0下菜．．摘0下士多啤梨．．

記得帶定環保袋呀！！

作者: ckk 時間: 2009-5-2 20:00

原帖由鄧姑於 2009-5-2 00:04 發表
今次行山加插餘慶節目．．在行完山後將路經冬冬有機農場．．去摘0下菜．．摘0下士多啤梨．．

記得帶定環保袋呀！！

555

yeah!

作者: 鄧姑 時間: 2009-5-3 21:13

作者: 鄧姑 時間: 2009-5-3 21:14

作者: 鄧姑 時間: 2009-5-3 21:18

作者: 鄧姑 時間: 2009-5-3 21:31

作者: 鄧姑 時間: 2009-5-3 21:38
話左係禁區．．未有許可證唔準入去架．．你地都要硬搗．．拜拜啦．．港燦燦．．．

作者: 鄧姑 時間: 2009-5-3 21:45
有人又要練功

作者: 鄧姑 時間: 2009-5-3 22:11
總結今日的行程．．除初段較辛苦．．又熱又曬．．係咁上斜又上斜．．浮沙碎石．．後段華山路都好舒服喎．．．涼風習習．．

雖然有人行到嘔白泡．．但唔緊要啦．．初初未習慣姐．．跟我地行多幾次，　就會好fit架喇．．

今日都算多人棒場喇．．共２６人．．好野．

．添生帶隊．．非同凡響呀．．

餘慶節目摘菜．．摘士多啤梨．．幾enjoy丫．．個個係塊田度摘到唔願走．．

我而家食緊士多啤梨．．又新鮮又甜呀．．

天氣開始熱喇．．．以後行山唔再登高山喇．．將改為行林蔭路．．避下個太陽先．．．

作者: 鄧姑 時間: 2009-5-3 23:14
好多朋友買了好多士多啤梨, 食唔切好易壞, 教大家一個簡易的士多啤梨果醬, 保存得好可以存放一個月....
製法如下:

材料(两瓶 250克份量)
士多啤梨 550 克
檸檬 1 個(搾汁)
砂糖 1 杯
燕菜精 (透明)(Agar-agar Powder) 1茶匙 (可加可唔加)

用具
瓶子两個、牛油紙

製作過程
1.  用滾水煲瓶子及蓋十分鐘,進行消毒,滴乾瓶子. 　
2.  士多啤梨洗淨去蒂,太大的切細.
3.  加砂糖於士多啤梨內, 攪拌均勻, 靜侯至啤梨出水, 放入煲內用細火煮至淋(大約五分鐘),不停地攪,士多啤梨會出汁,加檸檬汁略煮多幾分鐘至滾,用匙拈少少煮好的醬汁放在一碗凍水內,測試一下如沒有散開, 呈凝結即可,熄火,待十分鐘入瓶,稍涼後鋪牛油紙於瓶口,蓋上密封,入雪櫃,吃時取出。

注意事項:
1.雖然砂糖在果醬中有防腐作用,最好在一個月內吃完果醬.
2.一般果醬是加果膠(Pectin)Citysper有售,二十多元,但亦可用燕菜精代替,燕菜精是海藻製成的,在印尼鋪買,两元五角,有七克,大概3茶匙半,一樣掂,又夠經濟！如果唔用只是頗稀也可以的.

作者: 鄧姑 時間: 2009-5-3 23:18
除此之外, 也可以用士多啤梨浸酒, 啖啖果香也很好味的...

1).士多啤梨約廿粒左右, 洗淨浸鹽水將果蒂切去, 記住要切深些, 因農藥會聚積在這位置的.
2).盒裝兩公升的日本盛或菊正宗清酒.
3).冰糖一包, 份量可多可少, 視你自己喜好.
4).預備一個一至兩公升的濶口瓶,要先用滾水消毒.

製法
1. 士多啤梨整好後用紙巾輕輕抺乾表面,放在一旁自然風乾,
2. 將風乾的士多啤梨放入瓶內,加入清酒及少量冰糖,放在太陽晒不到處兩星期即可飲用（浸的時間愈長久,愈好味的）,,清透栗紅色,淡淡的清酒融合了甜甜天然果香,加入冰塊飲用更是其樂無窮,也可加入梳打水內,好好味的, 而浸過酒的士多啤梨也可雪凍後當甜品食也好味.

作者: Rocky 時間: 2009-5-4 00:53
吓!五分鐘?早的講吖,我煮咗成個鐘,已經變咗濃縮蕃茄醬啦。....Vera

作者: 王婉平 時間: 2009-5-4 19:16
鄧姑：

點止五分鐘呀！我煮了大半個鐘頭，企到腳軟；攪到手軟

，而家

樽醬真係似濃縮蕃茄醬多過似士多啤梨…‥

今朝早餐時波子話：媽咪，你的愛心士多啤梨醬真係好酸‥…又有好多雜質

歡迎光臨同社咖啡室 (http://forum2.akinalliance.org/discuz/)